5 AR-i NSCN (K) züngsem ka apu

Dimapur, August 09 (TYO): Osang ka angazükba sülen 5 Assam Rifles sepaitemi August 08, 2017 nü Zunheboto district kübok Alahuto Colony mita aodang NSCN (K) telok nungi Captain, Inoto Chopy apu, ta Lt Col Amitabh Sharma PRO, HQ IGAR (North)-i tanü sangdong ka ajanga metetdaktsü.
Iba nisungbaji Alahuto Colony, Distt – Zunheboto nung alir Shovuxu Chopy’er jabaso, arishi küm 37, Inoto Chopy lir, aser pa ket nungi tashishitsü shiditem aser sen akhangba shiditem apu, ta sangdong nungsa shia lir.
Maneni bushisüngdangtsü atema tang pua alisang den pa ket nungi angubatemji Zunheboto police Station ket nung agütsüogo, ta kasa sangdong ajanga metetdaktsü.