5 buba Naga WrestleMania Nov 3 nungi tenzüktsü

Naga WrestleMania 5 tayonger, 3E ketdangsertemi Kohima kübok Dzevi Building nung osangbener den ajurutepdang agiba noksa ka yangi angur. (Kohima, July 06)

Kohima, July 06 (TYO): 5 buba Naga WrestleMania (King of the Ring Series 2016) taküm November ita 3 nü nungi tenzüka Kohima Local Ground nung asayatsü renemogo.
Anogo 3 agia asayatsü tetoktepba ya 3E teloki Nagaland Wrestling Association (NWA) den aroki amalitepa ayongtsü sentong renema lir.
Tan tetoktepba nung middleweight aser heavyweight na shilem ka, heavyweight küma melenshitsü renemba osang angazükogo.
Tan temelenshi agitsü renemba sülen taküm tetoktepba nung lightweight aser heavyweight shilem dang alitsü renemer lir.
Tetoktepba tatembangba anogo, November ita 5 nü junior melangtepertem asoshi tetoktepba balaka agitsü aser King of the Ring championship nikongdang agitsü.
Taküma takok angur nem senpet sen ajak agi sen 4,59,000 agütsütsü renema lir.
Iba tetoktepba nung shilem agitsü shiti taruba August ita 1 nü nungi agütsü tenzüktsü aser kasaji September ita 1 nü tashi nung tongtsütsü metetdaktsüba den külemi, lightweight o heavyweight tetoktepertem nungi tenüng züluoktsü taasen sen 500 aser junior melangteper nungi sen 200 agitsü renemba osang ka tetoktepba tayongeri metetdaktsüogo.