50 Cent dang obendangeri pa senotsü jenjang ashitsü ozüng agütsü

50 CentLos Angeles, February 21, 2016 : Rap kentener 50 Cent-i instagram nung sen note aika amshiba sayuba sülen court obendanger kati pa dang iba sen indang rasa-a shinga ta ozüng agütsüogo.
Noksa ka nung sen dollar 100 indang note pa meküta lir aser ano noksa tanga ka nung pa anasa sen note agi “B-R-O-K-E” ta zülur lir.
Pai bankruptcy file süa lir ajisüaka iba yimya yagi pa sen peria lir amai sayur.
Ajemajema alir masü, hip-hop ken atener 50 Cent-i pa akaba kanga shisanga sayu aser pai Africa nung ki ka asütsü ta twitter ajanga ashiba den pa kenten sentong akadang tangokba noksa dena lemsatepa liasü.
“Iba ken o nung temulung melemtep adoktsü shisa bulua bilemer,” ta US Bankruptcy Judge Ann M. Nevins-i ashiba aceshowbiz.com ajanga metetdaktsü.
“Bankruptcy inyakyim ya ajak asoshi kasa lir aser iba mapa ya kati ka dak amanga inyakba mapa ka lir,” ta lai shisem.
Ann M. Nevins-i, bankruptcy court ya ochishir saka tia makar sentsüh tsür arua anisüngzükba tesem lir, ta ashi.
Lai, “Kodang iba mapa temai adokdir, ajak dang küli tejangja sayutsü kanga tongtibang akümer,” ta ashi.
50 Cent atema okatsürtemi pa court-i arua tangsüngdangba ajak langzüktsü ta shiogo.

You must be logged in to post a comment Login