500 buba Test: India-i N Zealand telok akok

Kanpur, September 26 (Agencies): India’er cricket teloki runs 197 agi New Zealand telok madak 1 buba Test asaya koka, par 500 buba Test series tanü, Hombar nü asayaogo.

Tan takok anguba ajanga India teloki asaya 3 densemba Test series nung points 1-0 agi N Zealand den temaba jenjang angur lir.

Tanü asaya nung R Ashwin-i wicket 5 tashi agia kanga junga asayaba yong N Zealand telok asayar ajunga overs 87.3 nung asayadak temaleni tuguba mapang tashi nung par teloki ajak agi runs 236 dang yanglua liasü.

India teloki yangluba runs 434 meneptsü nükjidong nung N Zealand asayartemi kanga meranga asaya saka Ashwin den külemi, Ravindra Jadeja aser Mohammed Shami nungeri kanga junga asayaba yong N Zealand teloki tanü asaya nung tamakok ajurutsüsa jenjang tamajung ajuru.

Tanü asaya nung runs 92 yangluba den wicket 6 agiba nüngtem nung Jadeja nem Man of the Match sempet agütsü.

Par telok anati tanabuba Test asaya Kolkata kübok Eden Gardens nung tan September ita 30 nü asayatsü renema lir.