54 buba 2016 Phek Sports Association Meet tenzüker

Phek, December 09 (TYO): Phek district kübok Phek yimtsüng nung 54 buba 2016 Phek Sports Association (PSA) Meet tanü, Hokolbar nü tenzükogo.
“Tanü putu nung pei pok mesütsü atema lenmang jenti aliba yong aikati telemtetba tajung magiteti ramata tia ka nung alir,” ta shia, taküm nung telemtetba tajung agitsü tayongzükba olen ka Nagaland MLA, Kuzholuzo (Azo) Nienu-i asayamong lapokba sentong nung metetdaktsü.
Tetsür aser tebur naprongla atema athletics, football, volleyball aser basketball tetoktepba densemba asayamong ya tan December ita 16 nü tembangtsü sentong lir.