56buba PSA asayamung tembangogo

Kohima, Luchii/Dec. 12 (TYO): Phek Village Local Ground nung 56buba Phek Sports Association (PSA) asayamung tanü tembangogo.
Iba asayamung nung New Town Team-i overall champion aben. Tetsür aser tebur telemsa football asayaba nung Tehecece Nado (TN) Khel-i temaba jenjang ngutet. Chosaba team-i tetsür aser tebur telemsa nung basketball aser volleyball asaya akok.
Individual champion (tebur): Luzi-o Venuh aser Khoku Keyho. Individual champion (tetsür): Tsievetolii Keyho aser Muguzolii Venuh alitsü.
Iba asayamung shibangba sentong nung Thiipukhruyi Venuh moaja liasü aser pai takoker nem sempettem agütsü.
Iba asayamung ya tir Vekuto Chizo kübok Shurhonieyi Soho ya field marshal aser Vekhosheyi Keyho ya chief referee ama kaogo.
Maneni 2019-2020 kümsük asoshi ketdangser tasen shima liasü, kong Shurhoneyi Soho ya tir asütsü aser Ozo Venuh ya tongti zülur asütsü.