56th NPF-i Dr. Shurhozelie, TR Zeliang, P Longon pusemer

Kohima, February 08 (TYO): 56th Noklak Assembly Constituency(A/C), NPF-i NPF Tir, Dr. Shurhozelie Liezietsu, Nagaland Chief Minister, TR Zeliang aser Health & Family Welfare Minister, P. Longon nunger pusemer, ta metetdaktsü.
Tanü Noklak nung rongdak senden ka amendang iba telemtetba agia liasü.
56th Noklak A/C NPF Tir, P.Peshing aser General Secretary, Thangpong nati sangdong ka ajanga, “iba rongdak senden nung, Chief Minister (TR Zeliang) anentsü atema kuli kecha mangu, aser tang sorkar kümsük pongu abensatsü atema nungitettsü ta lemtet. State nung nüburtemi assembly menden 60 nung peipei constituency nung lenirtemji küm pongu atema shim,” ta metetdaktsü.
“56th Noklak A/C NPF nung inyakertem dak sentakba nung, onoki tang lenirtem NPF Tir, Dr. Shurhozelie Liezietsu, Nagaland Chief Minister, TR Zeliang aser Health & Family welfare minister, P. Longon masetshii nungittsü,” ta sangdong nungsa shia lir.