57 buba Statehood Day atema metetdaktsür

Dimapur, November 29 (TYO): December 1, 2019 nü Khuochiezie (Kohima Local Ground) Kohima nung Statehood Day benjung amongtsü ta Kohima Deputy Commissioner, Gregory Thejawelie, NCS-i metetdaktsü. Dimapur, November 29 (TYO): December 1, 2019 nü Khuochiezie (Kohima Local Ground) Kohima nung Statehood Day benjung amongtsü ta Kohima Deputy Commissioner, Gregory Thejawelie, NCS-i metetdaktsü. Iba benjungmong nung Kohima district kübok Heads of Departments, Kohima Municipal Council (KMC), Kohima Chamber of Commerce and Industry, Village Council Chairmen, All Kohima Wards Association President aser Kohima jila nung NGOs ajak adentsü metetdaktsür, ta Deputy Commissioner-i sangdong ka nung ashi. 57 buba Statehood Day benjungmongji anepdang 8:30 ako nungi tenzüktsü, ta paisa shisem.Ano, tanga sangdong ka nung Kohima Police-i 57 buba Nagaland Statehood Day benjung atema traffic tetuyuba kar agütsüogo.  1. Khuochiezie nung entry aser exit atema car pass ‘A’ alirtem dang yoktsü aser ibaji Southern Gate ajanga senzütsü. Razhü Point ajanga Northern Gate len gari ka danga mesenzüdaktsütsü, ta PRO Kohima Police sangdong ka nung metetdaktsü. 2. Car pass ‘B’ aliba garitem NSF Office jakdang, Congress Bhavan aser D.C. Office Complex nung anendaktsütsü. 3. Car pass ‘C’ alirtem Old MLA Hostel complex/Phoolbari nung anendaktsütsü aser Phoolbari Police Point ajanga Entry aser exit asütsü. 4. ‘Y’ Junction aser Northern Gate, Khuochiezie tsüngda garitem anena ayuba November 30, 2019 nikongtsütsü tashi nung agientsü metetdaktsür, ta PRO-isa ashi. 5. Statehood Day benjung amongdang tsünglanglen agüja aliba lenmangtem nung anepdang 6:00 ako nungi gari ka danga anena meyudaktsütsü.  (a) BSNL Telephone Exchange nungi Classic Island. (b) M.S Classic Island nungi ‘Y’ Junction.6. Iba sentong metembang tashi gari tulu ka danga Kohima jila nung mesenzüdaktsütsü aser loading o unloading maparen ajak anepdang 6:00 ako tashi nung tembangtsüla.