57buba Walong Day mungogo

Kohima, Yimpoksüi/November 18, 2019 (TYO): 1962 küm Walong kümzüktsü mechi India nunger tasütait sepaitemi pei taküm mepayui, taküm tenla agütsüba bilemtettsü asoshi, November 16, 2019 Honibarnü Indian Army-i 57buba Walaong Day sentong ayongzüka agia liasü, ta Lt Col Sumit Sharma-i PRO (Defence) sangdong ka ajanga metetdaktsü.
Iba sentong nung, senso tajung aika jangrabangra arua denogo. Sentong agiba mapang Army Officers temi Namti Plains aser Walong tesem nung naro inokja liasü.
Iba sülen, Indian Army-isa Medical Camp aser Equipment Display sentong ayongzükja liasü.
Walong Day benjungmung shilem ka ama, sentong nung lisopurtemi sobaliba sentong tajung ka ayongzükja liasü, ta kasa sangdong ajanga metetdaktsüogo.