5buba 10-Northern Angami-I T20 Bash: Lower aser Upper Bayavu na final asayatsü

Kohima, December 7 (TYO): Brotherhood Group puri ayongzüka Ziekezou, Kohima Village Ground nung 5t-buba 10-Northern Angami-I T20 Bash tanü semifinal asaya nung Lower Bayavu Giants aser Upper Bayavu Sixers puri pei tata asaya koka final-i iogo.
Tanü mezüngbuba semifinal asaya nung Upper Bayavu Sixers puri P Khel Eagles pur wicket 6 agi kokogo.
Mezüng bat asütsü asoshi shimtetba sülen P Khel puri over 20 nung wicket 5 out sür run 143 yanglutet. Parnok rongnungi Moin-i out mesüi run 50 yanglu aser Vesan-i run 38 yanglu. Ajisüaka Upper Bayavu Sixers puri P Khel puri yangluba run ya over 19.5 nung wicket 4 out sür menep. Parnok rongnungi Moarenbai out mesüi run 72 yanglutet aser pa nem man of the match award agütsü.
Semifinal tanabuba asaya nung Lower Bayavu Giants puri North Block Warriors pur wicket 9 agi ayong ayonga kokogo.
Mezüng bat asüba sülen North Block Warriors puri over 20 nung wicket 7 out sür run 150 yanglutet. Parnok rongnungi Dietholhoutuo-i out mesüi run 56 yanglu aser Renjanthung-i run 43 yanglu. Thungchamo-i Lower Bayavu Giants pur atema wicket asem agi.
Run arishiba nung Lower Bayavu puri over 15.3buba nung wicket ka out sür North Block Warriors puri yanglutetba run menep. Imomenbai out mesüi run 58 yanglu aser Tapitu-i run 40 yanglu. Iba asaya nung Imomenba nem man of the match award agütsü.
Final asaya Hokolbarnü 10:00 ako nungi asayatsü.