5buba Morning Premier League Feb 18 nü tenzüktsü

Kohima, Tsüklai/February 16 (TYO): 5buba Morning Premier League (MPL) February18, 2019 nü nungi maneni asayatsü. “Health and Friendship” omen nung ajemdaker asayaba asayamung nung arishi küm 31 tema nungi asayartem dang asayar. Taoba season ama iba asayamung nung team 10-i shilem agitsü aser season tembangba sülen ponglang nung aliba team ana relegate asütsü.
‘Home & away’ basis league system nung asaya 90 tashi asayatsü, koba ita pezü asayatsü. MPL asayatem ajak Hombar aser Hokolbar anepdang 6:00 ako nungi tenzüka asayar. Taküm shilem agitsü aliba team 10 ji: Morning Football Club, Amur Falcon Football Club, Morung United FC, Mustang FC, GeThemGo FC, Mrh.FC, All Blacks, Kohima Raiders, KABA FC aser Vanguard FC – Old Boys lir. Iba asayamung ya Morning Football Association (MFA) puri achaayanga asayar.