6 buba ENSF Fiesta Sports sentong agiogo

Dimapur, July 29 (TYO): ‘Battle for peace’ omen nung ajemdaker Mon district nung ayongba asayaba 6 buba ENSF Fiesta Sports sentong yashi, Brehostibar nü tembangogo.
Yashi asayamong shibangba sentong nung Nagaland Parliamentary Secretary, Land Resource & Excise, B.S. Nganlang tongti tesemdanger liasü.
“Pei anisüngzüka jangratema alidak nungi adoker pei nübur taküm jenjang tajungba kümdaktsütsü asoshi ajaki bendanga agütsütsü ayongzüker. Nübur rong nung yimji yimjung lidaktsütsü asoshi nungdakba maparen inyaktsü asoshi ENSF lenirtema ajungshir. Ano, lokti tentet tali tashi itshidaktsütsü atema ajaki taidok agütsüla. Asayartemia par asaya ajanga telungjem bener arutsütsü ayongzüker,” ta tongti tesemdangeri metetdaktsü.
Tan asayamong volleyball tetoktepba nung Phom Students Conference-i 1 buba aser United Sangtam Students Conference-i 2 buba jenjang angu.
Tetsür volleyball tetoktepba nung Konyak Students Union-i temaba aser Conference of Chang Students Union-i tanabuba jenjang ajangzük.
Football tetoktepba nung Kongyak teloki temaba jenjang angu aser Chang teloki tanabuba jenjang ajangzük.
Ano külen, Fiesta tayonger, Konyak Students Union aser ENSF ketdangsertem na tsüngda exhibition asaya ka asaya aser Konyak teloki iba asayaji akok.