6 buba Hornbill Half Marathon atema senpet lakh 4.12 renema lir

Kohima, November 10 (TYO): Kohima nung kümshi ayongba Hornbill Festival den sentaktepa, 6 buba Hornbill Half Marathon tetoktepba taruba December ita 4 anepdang 7:00 ako nungi tenzüka agitsü asoshi 3E Nagaland teloki ayongogo.
Tebur aser tetsürtem atema kilometer 21.0975 talang Half Marathon, class 10 ser tekübok kaketshir tebur aser tetsürtem atema kilometer 11.9 talang Great Hornbill Run aser peisasa mulungteta tan mezüngsüa shilem agir o aso ajen nung tangar memeneper tila tanurtem atema Special Lap densema, tan tetoktepba shilem 3 tashi küma lemsar agitsü renema lir.
Tangar memeneper tila tanurtem atema sempet talep renemtsüba densema, takok angurtem atema ajak agi sen lakh 4.12 tashi senpet renemtsüba den alizüng atonger shia nem alizüng tonga asemba kulikaket agütsütsü renema lir.
Nagaland Athletics Officials Club-i acha ayanga ketdang asütsü renemba tetoktepba shilem ajunga Kohima kübok New Secretariat Junction nung tenzüker idakjisa tembangtsü.
Marathon tetoktepba nung shilem agitsü maparen ajunga 3E Office, Kohima; Sportsworld, Kohima; Tiara Restaurant, Chumukedima; Life Centre, Pfutsero; Youth Snooker Cafe & Restaurant, Jalukie aser Techsuffort Enterprises, Mokokchung nung inyaktettsü.
Tenüng züluoktsü den sentakba osangtsüsang www.3enagaland.org aser Facebook nung 3E Nagaland nung angutsü aser tenüng züluoktsü anogo tatembang tan November ita 30 nü alitsü.
Bendanglen aser state tanga nungi shilem agitsü jangrartemi tetoktepba agitsü anogo ka jakdang tetoktepdak pei tenüng züluoktsü akok.
Senpet telemsa yamai alitsü:
Half Marathon
MEN: 1st – Rs. 65,000, 2nd – Rs. 30,000, 3rd – Rs.20,000 & Best Naga runner not in top 3 – Rs.10000
WOMEN: 1st – Rs. 50,000, 2nd – Rs. 25,000, 3rd – Rs. 15,000 & Best Naga not in top 3 – Rs.8,000
Great Hornbill Run (boys & girls) : 1st – Rs. 20,000, 2nd – Rs. 10000, 3rd – Rs. 5,000 & 4th to 10th – Rs. 2,000 each.