6 buba Horsepower Challenge tenzükogo

Dimapur, October 15 (TYO): Nagaland Parliamentary Secretary, I & PR, Khekaho Assumi-i 6 buba Horsepower Challenge tetoktepba Kohima kübok Meriema nung tanü Brehostibar nü tenzüktsüogo.
Nagaland Adventure Club (NAC)-i iba tetoktepba sentong ya Novice Class aser Sports Utility Vehicle (SUV) na densema shilem ana küma lemsar anogo 3 agia agitsü asoshi ayonga lir.
“NAC teloki ayongba tetoktepba sentong nung North East aser India ajunga nungi toktepertemi shilem agiba ajanga India ajunga ka küma lungjemtsüba den külemi, yimji yimjunga bener arutsüogo,” ta tongti tesemdanger, Khekaho-i ashi.
Nagaland sorkaria NAC den akok tashi yariteptsü tenangzükba olen ka tongti tesemdangeri metetdaktsü.
Nagaland kübok tentetba district balala nungi toktepertem den külemi, Assam, Meghalaya aser Mizoram nungi densema, ajak agi tokteper 17-i 6 buba Horsepower Challenge tetoktepba sentong nung shilem agiba osang jangjaogo.