63buba KVSA Meet: Asayartemi otsü tasen 8 yanglu

Winners of 3000 Meter Race (men) after receiving the award from Vimhalie Pienyu on the second day of 63rd KVSA Meeting on January 16, 2018. Players in action during a Volley Ball match on the second day of 63rd KVSA Meeting on January 16, 2018.

Kohima, Aenjeti 16 (TYO): Tang tasayadak Kohima Village Sports Association meet tananü asayartemi taoba mapang otsü yanglua aliba ti tashi ajangtetogo, aser iba nung Tsütuonuomia Khel puri trok aser Dapfütsumia Khel puri ana ta densema lir.
T Khel nungi Kekhrieneinuo Solo-i 100 meter tetsür asemtepba second 14.35 nung asemteta, taoba mapang 1994 küm asayar kati second 14.40 nung asemteta aliba ajatetogo. Teburtem discus throw, asaya nung D Khel nungi asayar Khrielasakuo Keretsu-i taoba mapang 2008 küm record 34.28 meters onteta yanglur aliba 34.52 meters onteta otsü tasen ka yangluogo.
Tetsürtem 200 Meter race nung T Khel nungi asemteper Dziesengunuo Solo-i second 29.93 nung alizüng tongteta otsü tasen ka yangluogo. Lai 1994 küm asayar kati second 30.28 nung alizüng tongteta otsü yanglur aliba raksatsüogo.
Teburtem shot put asaya nung D Khel nungi asayar Seluokuolie Kire-i 2016 küm record 11 meters oner aliba ajateta pai meter 12.10 ontet.
Teburtem 4×200 Relay Race nung T Khel nungi asemteper Medoneituo Sekhose, Neiketoulie Belho, Keviphrü Sekhose aser Menuokhrielie Solo nungeri minute 1:43:34 nung alizüng tongteta otsü tasen ka yangluogo. Taopa mapang record ji minute 1:44:19 liasü.
T Khel nungi asayar Keviphrü Sekhose-i 1995 küm triple jump nung record (12:39 meters) yanglur aliba pai ajatetogo. Pai meters 12:73 jokteta otsü tasen ka yanglu.
Maneni tetsür 4×100 meters relay race nung T Khel nungi asemteper Dziesengunuo Solo, Kekhrieneinuo Solo, Neikesonuo Belho aser Keneizenuo Suohu nungeria otsü tasen ka yangluogo. Parnoki 1994 küm yanglur aliba record (minute1:01:34) ajateta minute 1:00:15 nung alizüng tongtetogo.
Teburtem4x100 meter relay race nung Menuokhrielie Solo, Medoneituo Sekhose, Keviphrü Sekhose aser Neiketoulie Belho nungeri second 48:31 nung alizüng tongteta 2000 küm (49:09 seconds) yanglur aliba record ajatetogo.
Kasa mapang nung T Khel pur maneni temaba jenjang nung lir. Parnoki gold 17, silver 10 aser bronze medal 4 kokteta lir. Tanabuba jenjang nung D Khel pursa lir. Parnoki gold 3, silver 2 aser bronze 9 ta nguteta lir.