66KV Transmission Line raksaa lir

Mokokchung, Monupii/May 10 (TYO): Monupii/May 09, 2018 nü yipru tulu ajanga 66KV Mokokchung-Tuli-Naginimora-Tizit Transmission Line nung timtem adoka lir, anungji Mon aser Longleng District den Mokokchung district kübok Changtongya aser Tuli area nung light marutsü, ta tanü Mokokchung Transmission Division SDO (Trans), Er. Shilu Lkr-i sangdong ka nung metetdaktsü.
Tekaratiba nung Power supply agutsütsü atema department-i akokba tashi meranga inyakdar, anungji nüburtem dang aremzüka alitsü mepishia metetdaktsür, ta kasa sangdong nung shia lir.