67 buba AKM lokti senden Changtongya yimdak amungtsü

Mokokchung, Jan 13 (TYO): Ao Kaketshir Mungdang 67 buba lokti senden sentong tan January ita 18 nungi tenzüka 20 tashiji Changtongya yimdak “Masetshiba Yokji” omen nung ajemdaker amungtsü asoshi mazüngi maparen balala inyaktepba osang ajanga angazüker.
Taküm iba sentong nung Election, National Highways & Mechanical Minister Wb. Nuklutoshi tongti tesemdanger asütsü jaoka lir. Taoba AKM tir & Advisor Urban Development Wb. S.I Jamiri mungdang lapoktsütsü aser mungdang shibangba sentong nung taoba AKM tir & MLA Wb. Imkong L Imchen jaoka lir. Oriental Theological Seminary Dmu Principal, Rev. Dr. Wati Aieri “masetshiba yokji” nung ajemdaker tongti o jembitsü sentong nung lir.
Iba den ano mungdang mapang onük balala nung shisalemsabang balaka alitsü aser iba nungji shisalen sayurtemji; Wb. Amba (Dev. & Policy Advisor and Executive Director, SDFN), Kr. Wapangla Imchen (Asst. Prof (HoD) Dept. of Management, C-Edge College Dmu), Sp. Sentong (EAC), Sp. Nükshimatong (EAC), Er. Imnameren (Executive Engineer Feeder Roads Div. Tuli), Kr. Watila Longkumer (Proprietor Naro Ki Dmu), Wb. Limalenden Lkr (Tir, Mkg Press Club), Wb. Supu Jamir Advocate (Tir, Ao Senso Telungjem Dmu) nungertem alitsü.