6buba Kohima District Volleyball Tourney: Team pezü semi final-i igo

Kohima, Yimpoksüi/November 23 (TYO): Kohima Local Ground nung Kohima District Volleyball Association (KDVA)-i ayonga tang tesayadak aliba 6buba Kohima District Open Volleyball Tournament (Men & Women) nung Phesama Youth Organisaiton, Kenuozou Youth Organisaiton, Kiruphema Youth Organisaiton aser Neichazou Volleyball Club nungeri pei tata asaya nung takok ngua semi-final tongogo.
Rogonü/Friday tebur quarter-final asaya nung Kiruphema Youth Organization-i Khwiino Spikers, Khonoma madak set 3-2 agi takok angu, kasa mapang Kenuozou Youth Organization-i Unified Sporting Club, Kiruphema madak set asemprong nung takok ngua tsükdaktsü.
Kasa asayamung tebur quarter-final asaya tanga ka nung Neichazou Volleyball Club, Mima-i Zenith Club, Kezo Town madak set 3-1 agi takok ngua liasü. Ano külen quarter-final asaya tanga ka nung Phesama Youth Organization-i Nerhema Youth Organization madak set 3-1 agi takok ngua tsükdaktsüogo.
Tanü Yimpoksüi/November 24, 2018 nü 9:00 ako nungi tenzüka mezüng semi final asayaji Phesama Youth Organization aser Kenuozou Youth Organization na tsüngda asayatsü. Iba sülen tanabuba semi-final asaya Kiruphema Youth Organization aser Neichazou Volleyball Club na tsüngda asayatsü.
Kasa mapang tetsür telemsa league match 9 aser 10buba ji 9:00 ako nungi tenzüka asayatsü. Iba sülen ang takok anguba team tem final asayatsü.
Iba asayamung grand finale asaya nikongtsütsü 1:00 ako nungi tenzüka alitsü aser 3rd Assam Rifles, Commandant, Col. Debraj Bhattacharya tetushi tesemdanger ama aruagi adentsü.