6GB RAM, 64GB aketba Nokia 6.1 Plus angutsü

Tsüklai/February 23 (Agencies): Nokia phone yangluba company HMD Global-i Nokia 6.1 Plus atema memory variant tuluba sangdongogo aser aji fans tem asoshi osang tajung asütsü. Mezüng sayaba variant dak alaka, iba smartphone nung 6GB RAM aser 64GB ROM keta aliba angutsü.
Nokia 6.1 Plus nung all-screen design aser customer temi Nokia smartphone ajanga yimlaba ama performance temaba angutsür. Iba den bendenloksema, tang iba smartphone nung RAM tuluka inoksema yanglutsübaji asütsü. Smartphone ya Android One shilem ka asütsü aser smart AI imaging feature densema lir. Qualcomm Snapdragon 636 processor ajanga Nokia 6.1 Plus power agütsür.
Tawa, Nokia 6.1 Plus atema Android 9 Pie agüja liasü aser iba Android operating system tasenba ajanga Google nungi feature tem talisa App Actions aser Digital Wellbeing atema user nem access agütsür.
Ajisüaka, Nokia 6.1 Plus ya India fans atema asütsü aser handset variant tasenba ya Nokia.com/phones ajanga mesüra March 01, 2019 nü nungi tenzüka mobile retail outlet tem nung angutsü. Handset ya sentsü tapu asem – Gloss Black, Gloss White aser Gloss Midnight Blue nung sen 18,499 agi angutsü.