7 Assam Rifle-i NSCN (IM) aser (R) telungpurtem apu

Dimapur, May 04 (TYO): Tashiyim amshia sen saruba osang angashiba sülen HQ IGAR (North) kübok 7 Assam Rifle temi Kiphire jila nung 2017, May 02 anogo Mobile Vehicle check point ka amenloka mita bushi.
Iba mapang ozüng alema injang aser tashishitsü aliba kakettem bener nisung ana apu. Tena ya Kiphire nung Sikiur (A) yim nung alir Yansunimong Tikher’er jabaso arishi küm 41 tain, NSCN (IM) nung SS Capt Y Wongtsu Tikher aser Seyochong yim nung alir Atobi Sangtam’er jabaso arishi küm 28 tain, NSCN (R) nung Rajapeo Yangtsapa Sangtam, ta jangjaogo.
Tena ket nungi AK 47 indang injang 10, 7.62 mm SLR indang injang 5, sen 6,090, Mob Intex ka, tashishitsü aliba kakettem aser Motor Cycle Bajaj Platina NL-07 J-0960 ngutet. Tena den osettem ya Kiphire Police Station nem agütsüogo, ta HQ IGAR (North) indang PRO, Lt Col Amitabh Sharma-i sangdong ka ajanga ashi.