7 buba Silver Cup: Hornbill B, Street Boys & Sparks nungeri akok

Kohima, March 17 (TYO): Tang Kohima nung tasayadak 7 buba Silver Cup Twenty20 (T20) Cricket Tournament anogo tanabuba nung, tanü Brehostibar nü Kohima Hornbill B, Street Boys Wokha aser Sparks Cricket Club Dimapur nungeri takok nguogo.
Tanü mezüngbuba asaya nung Mrinmoy aser Tapitu nati runs 61 aser 54 yangluba densema, par Hornbill teloki overs 20 nung wicket 2 laoa ajak agi runs 207 yangluba sülen overs 12 tashi nung FHCC telok asayar ajunga asayadak nungi temaleni tugudaktsüba yong par Hornbill teloki runs 153 agi FHCC telok madak takok angu.
Mezüngbuba asaya nung Probin Man of the Match shim.
Street Boys telokia runs 78 agi Kohima Knights telok madak tanabuba asaya akok.
Mhonyamo aser Nchumbemo nati runs 29 aser 20 yangluba densema, par Street Boys teloki runs 140 yangluba sülen Knights asayar ajunga asayadak temaleni tugu tashi nung runs 62 dang yangluba yong par Knights teloki tamakok ajuru.
Street Boys bowler, Albert tanabuba asaya nung Man of the Match shima liasü.
Tasembuba asaya nung Sparks teloki wickt 4 agi Merhülietsa telok tsükdaktsü.
Moa aser Siddhant nati runs 34 aser 27 yangluba densema, par Merhülietsa teloki runs 154 yanglu saka Raktim-i runs 73 yangluba densema, par Sparks teloki overs 16 nung Merhülietsa teloki yangluba runs ajangteta tasembuba asayaji kokadok.
Raktim tasembuba asaya nung Man of the Match takokba angu.
March 18 nü asaya yamai alitsü:
1. Pirates CC (Wka) vs Kohima Hornbills @ 7am
2. Esa Warriors (Dmp) vs Missionshires @ 10am
3. Blue Star CC (Dmp) vs Kohiam Capitals @ 1pm