7 buba Silver Cup: Hornbill, Missionshire & Bluestar nungeri akok

Kohima, March 18 (TYO): Kohima Hornbill, Missionshire Kohima aser Bluestar Cricket Club Dimapur teloktemi tang tasayadak 7 buba Silver Cup Twenty20 (T20) Cricket Tournament nung takok ngua tanabuba round nung shilem agitsü jenjang tanü, Hokolbar nü ajangzükogo.

Tanü mezüngbuba asaya nung Hornbill teloki wicket 5 agi Pirates CC Wokha madak takok angu.

Nzanthung-i runs 32 yangluba densema Pirates teloki wicket 9 laoa ajak agi runs 110 yanglu saka Hornbill teloki overs 16.3 nung wicket 5 laoa Pirates teloki yangluba runs ajangteta wicket 5 agi takok nguadok.

Mezüngbuba asaya nung runs 26 yangluba den külemi, wicket 1 agisang, Hornbill asayar, Depepa Man of the Match shim.

Missionshire telokia runs 18 agi ESA Warriors telok madak tanabuba asaya akok.

Kenei aser Khriesavituo naprongi runs 23 yangluba densema, par Missionshire teloki wicket 8 laoa ajak agi runs 143 yanglu.

Kalyan-i runs 28 yangluba densema, par Warriors teloki kanga meranga asaya saka par teloki wicket 9 laoa ajak agi runs 125 dang yangluteta tamakok ajuru.

Runs 23 yangluba den külemi, wicket-a 2 tashi agisang, Missionshire asayar, Khriesavituo tanabuba asaya nung Man of the Match shima liasü.

Tesüiba champions, Bluestar telokia runs 111 agi Kohima Capitals telok madak ajemshia tasembuba asaya akok.

Tejosal-i runs 46 yangluba densema, par Bluestar teloki runs 143 yangluba sülen Capitals telok asayar ajunga overs 13.2 tashi nung asayadak nungi temaleni tugua runs 32 dang yangluba yong par Capitals teloki tamakok ngua liasü.

Tasembuba asaya nung Bluestar bowler, Vicky-i Man of the Match takokba angu.

March 19 nü asaya

yamai alitsü:

1.        Police UBC vs Royal Tourniquet @ 7am
2.        Bluestar SCC (Dmp) vs Wriggles @ 10am
3.        Kohima Hornbill vs Electrical CC @ 1pm