7 buba Silver Cup T20 nung shilem agitsü jangrartem ayonger: NBCYD

Kohima, March 04 (TYO): Kohima nung tentetba Nepali Baptist Church Youth Department (NBCYD)-i ‘Peace & Unity through Cricket’ omen nung ajemdaker ayongba 7 buba Silver Cup Twenty20 (T20) asayamong nung shilem agitsü form Sports World Kohima (Opposite Bank of Baroda) nung yutsüba osang ka NBCYD-i tanü sangdong ka ajanga metetdaktsüogo.
Tan March ita 15 nü nungi tenzüka Kohima kübok Jakhama Local Ground nung asayatsü ayongba asayamong nung shilem agitsü tenüng benoker telok shia nungi taa sen 5000 agitsü saka arogo mesüra college teloktem nungibo taa sen 4000 dang agitsü renema lir. Iba asayamong nung shilem agitsü shiti temonotiba agi tan March 11 nü tayonger ket tongtsütsü metetdaktsüogo.
Tejangrartemi phone no – 9774039646, 8974984619. 9615941696, 9774294729 & 9774416162 ajanga tongtepratepa tan asayamong den sentakba osangtsüsang agitettsü.
Iba asayamong nung champion telok nem takok marok o kulikaket den senpet sena sen 70,000 aser tanabuba jenjang angur telok nem tanabuba jenjang takok marok o kulikaket den senpet sen 25,000 agütsütsü renema lir.
Ano, semifinal asaya nung tamakok angur telok anaprong nem senpet sen 5000 agütsüba den külemi, highest scorer, highest wicket taker aser best wicket keeper densema, individual shilem nung temaba jenjang angur asayar shia nem senpet sen 1,500 agütsütsü renemogo.
Iba asayamong nung best disciplined team nema senpet sen 2000 agütsütsü lemteta lir.