71buba Konyak Students Union Federal assembly agiogo

Mon, Mongputeni/October 26 (TYO): Mongputeni/October 26, 2018 nü Council Hall, Mon nung 71buba Konyak Students Union Federal Assembly 2018 agiogo, ta ketdangsertem osang ka ajanga metetdaktsü.
Konyak Students Union ya Konyak nunger tongti tentet ka lir aser parnoki federation units teyari agia inyaker.
Federal Assembly-i Platinum Jubilee planning committee agizükogo.
Platinum Jubilee Convener ji, Tongwang Yanlem CDPO Mon, Co-convener ji P.M Nokpai President KVCU aser Planning secretary ji Moba Advocate lir.
Federal assembly-isa 2019 küm atema omenji “The year of Education” asütsü, ta sangdong.
Iba senden ya KSU Speaker, Penlem Pansha leniba nung agi.
Konyak Student Union President, Bumang Phaiba-i Union wako salaja iba senden tenzüka liasü.