7buba Naga Chef tenzükogo

Kohima, Yimpoksüi/November 18, 2019: Naga Chef season 7 nung tetoktepertem den tetendanger aser sentong achaayangertem külemi tangokba noksa ka yangi angur. 

Kohima, Yimpoksüi/November 18, 2019 (TYO): Mhachaki, Kohima nung Hombarnü (18.11.19) 7buba Naga Chef tetoktepba sentong tenzükja liasü, ta sangdong ka ajanga metetdaktsü.
Chiyongtsü tapu balala yanglua toktepba sentong ya Nagaland nung mezüng asütsü aser Naga Chef ajanga Naga nunger chiyongtsü ajungkettsütsü asoshi sempet alirtem nem teyari agütsütsü aser chiyongtsü tapu balala anepalutsü/sorchioktsü sempet alir Naga nunger sorchiokertem, parnoki inyaktetba mapatem alima dang sayutsü asoshi sabang agütsütsü nükjidong lir.
Iba sentong atema screening round nungi Naga nunger sorchioker 6 shima lir aser parnoki “Naga Chef Season 7” nung tokteptsü. Takok angurtem nem senpet sen lakh 3 agütsütsü renema lir.
Maneni, küm shia agiba sentong ya Department of Tourism, Government of Nagaland ajanga teyari agüja Synergy Group Enterprise-i ayongzüker.