7th Economic Census 2019 atema sentong ka agi

Dimapur, May 27 (TYO): May 27, 2019 nü Hotel Vivor, Kohima nung 7th Economic Census 2019 atema State Level Training of Trainers (SLTOT) agi.
Taküm June ita nungi tenzüka ita asem tashi census mapa inyaktsü. Iba mapa ya linük ajungalen inyaktsü aser Ministry of Electronics & Information Technology kübok CSC-i yangluba ICT platform amshitsü, ta Asst. Director NSSO, Chinneivah Haokip, ISS-i tanü sentong nung jembidang ashi.
NSSO aser Directorate of Economics and Statistics-i nübo agütsütsü aser CSC kübok mapa inyakertemi data bendentsü, ta laisa ashi.
Iba sentong nung Joint Director & Nodal Officer for 7th EC, Neisatuo Puro-i Ministry of Statistics and Programme Implementation, CSC E-Governance Services India Limited, Field Operations Divisions, state sorkar, district magistrate indang osang lemsatep.
7th Economic Census 2019 atema SLTOT agiba sülen May aser June ita nung district aser sub-division ajak nung training workshop ayongzüka agitsü.