7th ROP takhangba atema sorkar mapa inyakertemi lungkak aittsü

Dimapur, March 14 (TYO) : Cabinet-i 7th Central Pay Commission atema telemtetba dak sendakba atema March 17, 2017 nü All State Services Associations külem senden ka amen.
State Cabinet-i March 1, 2018 nungi 7th ROP tenzüktsü lemtetba magizüktsü atema tanü senden nung State Services Associations-i lemtet, kechiyong iba ya 2014 nungi State Services Associations-i takhangba agüja aruba anema lir, ta CANSSEA President, S. Takatuba Aier-i sangdong ka nung ashi.
State sorkari March 18, 2017 tashi nung March 1, 2017 nungi tenzüka 7th ROP mapa küma inyaktsü telemtetba ka magira, State Services Associations-i state ajungalen pen/tool-down lungkak aittsü, ta sangdong nungsa ashi.
Lungkak aitba sentongji March 20, 2017 nungi tenzüktsü saka mozükitem, shisaliok rejutem aser emergency mapatembo iba nung madentsü, ta CANSSEA sangdong nungsa metetdaktsüogo.