8 buba Harry Potter ‘kaket’ July ita sayatsü

Melbourne, Februray 11 (Agencies): Nungtugu arasener, Harry Potter-i ajangshiba tatalokbatem indang otsü ‘kaket’ ka taküm 2016 küm July ita 31 nü sayatsü renemba osang ka News.com.au.-i metetdaktsüogo.

‘Harry Potter and the Deathly Hallows’ otsü zülur küm 19 süir külen zülur ama 8 buba Harry Potter ‘kaket’, ‘Harry Potter and the Cursed Child’ ya zülua lir.

“Tan tesüsa züluba otsü nung Harry Potter joko tain nisung ka, tanur 3 tebu küma pai Ministry of Magic nung inyaker aser par jabaso tanobotisang, Albus-i arasentsü sempet agizüka lir,” ta osangi metetdaktsü.

‘Cursed Child’ ya taoba mapang züluba kaket ka masü saka London kübok West End nung taküm July ita sayatsü renemba saya otsü ka lir.

Iba otsü ya Harry Potter kaket zülur, J.K. Rowling-i züluba ‘Jack Thorne and John Tiffany’ kaket nung ajemdaker renema lir.