8buba Music Awards of Nagaland 2016 atema tenüng agütsütsü sangdonger

Dimapur, October 04 (TYO): 8buba Music Awards of Nagaland (MAN) nung shilem aginertemi pei tenüng agütsütsü metetdaktsür, ta Native Trax Society-i sangdongogo.
MAN ya Native Trax Society-i 2009 küm tenzük aser küm shia iba sentong ajanga state nung ken tapu balala mejemertem nem parnok sempet tajung atema tetushi agütsüba temaitsü award agüja arur.
Küm 8 tsüngda nung Music Awards of Nagaland ajanga state nungi adokba sempet tajung aketer kar nüburi tuteta adoka meteta kümogo. State music industry nung inyakertem aser musician tem iba sabang ajanga tangari meteta kümogo aser parnok tenüng tuteta adokdaktsüba nung yariogo.
Kentener, recording studios aser producer tem mesüra parnok melena inyakertem ajaki iba tetoktepba atema tenüng agütsütettsü. Pei sasa mejemba, Nagaland nung menüngokba ken, November 01, 2015 nü sülen sayaba kentem nem maongka balaka agütsütsü.
Iba tetoktepba nung adentsü atema tenüng agütsütsü asoshi Form aser temetettsü ajak Music Awards of Nagaland Facebook page, “http://www.facebook.com/pages/Music-Awards-of-Nagaland/124506960984391” nungi download sütettsü.
Taküm nungi tongtibang temelenshi kar lir aser itemji:-
1. Entry fee malitsü
2. ‘Song of the Year’ atema ‘voting card system’ malitsü saka MAN Facebook page nung ‘Likes’ aser ‘Shares’ timba aser MAN Youtube channel nung nüburtemi timba reprangba dak ajemdaker shimtettsü.
3. Taküm nungi Best Songwriter/Lyricist nema award agütsütsü.
4. Shilem agitsüpur ajaki pei tenüng musicanagaland@gmail.com nung email süang mesüra 9089409715 nung Whatsapp süang. Aji oda süaka tagütsüneribo NST Colony, Circular Road, Dimapur nung aliba Native Trax office nunga arua agütsütettsü.
Tenüng agütsüba mapang nüngdakbatem yamai:
i. Entry form ka fill up sür pei-i sign asüba ka
ii. Audio song/music video (mesüra iba audio/video link)
iii. Kenjang (Hindi/Naga oshitem English agi meyipzükba dena)
iv. Kentener/kentener telok indang profile den noksa dena.
Tenüng agizüktsü tatembang anogoji October 31, 2016 nü alitsü. Osang mejangjaba metetpelanüra phone number 9856201694, 8014263251 aser 9089409715 nung tongtepratep nung ajungtsü.