8buba Silver Cup T2- Cricket Tournament osang

March 23, 2017 : (Abelen) NBCK Deacon Ashok Gurung-i Radiant CC nungi Jintu nem MoM sempet agütsüba aser (achiji) Whiskers CC nungi Tejosal MoM sempet amer tangokba noksatem yangi angur. 

Kohima, March 23 (Agencies) : Nepal Baptist Church Kohima Youth Department-i “Cricket ajanga Yimjung aser Telongjem” omen nung ajemdaker Jakhama Local Ground nung tang ayonga tasayadak aliba, 8buba Silver Cup T2- Cricket Tournament nung Radiant Cricket Club aser Whiskers Cricket Club, Dimapur telok nati tanü Brihostibarnü semi-final jenjang tongtetogo.
Tanü tasembuba quarter-final asaya nung Radiant CC-i runs 114 agi KODH CC madak kanga junga takok angu. Iba asaya atema toss Radiant CC-i akok aser mezüng bat asütsü shimteter over 20 nung runs 189 yanglua yutsü. Parnok telok nungi Jintu runs 41, Miki-i runs 29 aser Biki-i runs 25 tasa yanglu. KODH CC nungi bower Martin-i wicket pezü agi.
Runs 189 ajatettsü arishia asayaba mapang KODH CC telok nungi asayartemi runs 74 ang yangluteter lia ajak out asü. Par telok nungi John-i runs 21 aser Samuel-i runs 18 yanglua liasü. Radiant CC nungi bowler tem Tusenfa-i wickets pezü aser Imliba-i wicket 2 ta agi.
Iba asaya nung Jintu-i runs 41 yanglutetba ajanga pa nem Player of the match sempet agütsü.
Quarter final asaya tatembanba nung Whiskers CC Dimapur aser Shillong Mavericks na asaya. Iba asaya Whiskers CC Dimapur-i runs 28 agi takok angu.
Toss akokba sülen Whiskers CC-i bat asütsü shimtet aser over 20 nung runs 167 yanglu. Parnok telok nungi Tejasol-i runs 75, Imliwati-i runs 21 aser Sanu-i runs 15 tasa yanglu.
Shillong Mavericks nunger bowler tem Lakhan aser Nafees naprongi wicket asemsem agi.
Shillong Mavericks-i kanga meranga asaya ajisüaka parnoki runs 138 yanglur lia over 19.1 nung parnok ajak out asü. Par telok nungi Raj Biswas-i runs 55, Kalam-i 20 aser Saibal-i runs 18 yanglu. Whiskers telok nungi bowler Hokaito-i wicket 3 agi aser Sanu aser Imliwati nati wicket anana agi.
Iba asaya nung Tejasol-i man of the match sempet angu. Pai tanü runs aika yanglutetba ajanga pa Red Cap dena angu. Asayamung tenzüker tang tashi nung pai runs 137 yangluogo.
MARCH 24, 2017 NÜ SEMI-FINAL ASAYA YAMAI ALITSÜ:-
Diphu XI vs Radiant CC @ 9AM
Lower Bayavü Giants vs Whiskers CC Dimapur @ 12Noon