8th Silver Cup T20 Cricket Tournament: Lower Bayavu Giants aser Diphu XI semi tongogo

Kohima, March 22 (TYO) : Tanü Bodhbarnü Lower Bayavu Giants aser Diphu XI telok na tang Nepali Baptist Church Youth Department-i ayonga Jakhama Local Ground, Kohima nung tasayadak, 8th Silver Cup T20 Cricket Tournament semi-final-i iogo.
Iba telok ana mezüng quarter final asaya asayadang telok shia over 18 ang asayadaktsü. Iba asaya nung Lower Bayavu Giants-i runs 14 agi Peraciezie Royals madak takok angu. Lower Bayavu Giants mezüng bat asüba mapang over 17.2 nung parnoki 125/10 yanglua yutsü. Parnok telok nungi captain Tapitu-i runs timba yanglua liasü. Pai runs 28 aser Bipenkar-i runs 23 ta sa yanglu.
Peraciezie Royals nungi bowler Renchamo-i wicket asem aser Saroj-i wicket ana ta agi. Aji oda süaka runs 125 arishia asayaba mapang Peraciezie teloki over 18 nung nisung 8 out sür runs 111 ang yanglutet. Parnok telok nungi Amhalie runs 34 yanglubaji timba liasü aser pa sülen Nzanthung-i runs 23 yanglu.
Lower Bayavu Giants nungi bowler Vikato-i wicket pezü aser runs 15 yangluba ajanga pa nem Man of the Match (MoM) sempet agütsü.
Tanabuba quarter final asaya nung Royal Tourniquets-i toss akok aser mezüng field asütsü shimteta over 20 nung parnoki Diphu XI nem 147/7 ang yangludaktsü. Diphu XI nungi Sardali-i runs 37 yanglubaji timba liasü.
Tourniquets telok nungi bowler S S Alam-i wicket pezü agi.
Iba sülen Royal Tourniquets-i over 20 nung nisung 6 out sür runs 139 ang yanglutetba ajanga parnok iba asaya runs 7 agi makok.
Diphu XI telok nungi bowler Mridul-i wicket ana agi.
Akumdong-i runs 26 yanglu. S S Alam-i wicket 3 aser runs-a timtiba yanglu. Pai runs 65 tashi angu. Anungji S S Alam nem man of the match sempet agütsü. Iba asayamung nung pa runs timba nguteter lir anungji ‘Red Cap’ tang pai sema lir. Pai tang tashi nung runs 132 yanglua lir.