9 Assam Rifles-i National Integration Tour ayongzük

Dimapur, October 9 (TYO) : October 9, 2016 nü Col Robi Kapoor, Addl DIG, HQ 5 Sector Assam Rifles-i Chieswema nungi National Integration Tour tenzüktsü.
Nagaland nungi kaketshirtem dang linük indang sobaliba, yimyatsüya aser infrastructure terenlok sayutsü nükjidong nung iba tour ya HQ 5 Sector of IGAR (North)-i ayongzük.
Phek aser Kohima district kübok aliba school balala nung kaketshir 22 aser tesayur 4-i iba tour nung shilem agir aser tanü parnok apusoa maodang Col Robi Kapoor-i parnok den sensaksema liasü, ta Assam Rifles sangdong ka nung metetdaktsü.
Parnoki Gangtok semdangtsü aser idangji Nathula Pass, Harbajan Baba Mandir aser Tsomgo Lake amala tongtipang tesemtem  repranga senzütsü.
Kaketshirtemi state adena tang mezüng aoba atema kanga pelaba osang metetdaktsü aser ano parnok tsüraburtemia maongka tulu agütsüba atema Assam Rifles dang pelaba metetdaktsü, ta sangdong nungsa shia lir.