9 buba Challenger Cup Nov. 29 nü asayatsü

Kohima, November 27 (Agencies) : November 29, 2016 nikongdang 2:00 ako nungi local ground, Kohima nung 9buba Challenger Cup asayatsü
Tan Challenger Cup nung asayatsü aliba telok anaji Classic Club aser Kohima Press Club (KPC) na lir.
Iba yimya nung football asayaba sentong ya 2006 küm nungi tenzük aser taküm agi joko 9 ben buba asayatsü. 2008 aser 2010 kümtembo iba asaya masayai süidaktsü.
State yimtiba nung aliba Classic Club aser osangbener telok na tsüngda telungjem tashi tali tashi itshiba asaya ajanga jangratem aser tepela bener arutsü.
Tang tashi nung Classic Club-i iba marok pungben (2006, 2007, 2011, 2014 aser 2015) aser KPC-i asemben (2009, 2012 aser 2013) bena lir.
Classic Club telok ya Classic Club nung taküm piyong zügsem aser Nagaland Legislative Assembly, Speaker, C.Sazo captain sür asayatsü aser KPC nungi shiba captain asütsüar ano official süa memetetdaktsü.
Iba exhibition match nung telok anaprongla nungi tesüiba mapang state tenüng nungi football asayartema kar angutsü. Kohima local ground nung asayatsü aliba exhibition match ya football reprangner ajaki angadi arua reprangtettsü.