9buba National Voters’ DAY 2019 January 25 nü akatsü

Dimapur, Aenjeti/January 22 (TYO): 9buba National Voters’ DAY 2019 sentong “no voter to be left behind” omen nung ajemdaker Aenjeti/January 25, 2019 nü Hotel Japfii, Kohima nung akatsü. Iba sentong nung tongti tesemdanger Binchilo Thong asütsü.
Sentong nung Dy. Chief electoral officer, Vekho Vero-i lokti pelaa agizükbo o jembitsü aser perspective & background onük nung ajemdaker Chief electoral officer, Abhijit Sinha, IAS-i jembitsü. Youth Net, mendenpula Hekani Jakhalu-i ‘my vision for a clean election’ onük nung ajemdaker jembitsü aser clean election dak sendakba nung video tem screen asüba Addl CEO, N. Moa Aier-i sayutsü.
Sentong nungsa Kohima Chungtia Telongjem Cultural Club-i sobaliba tsütsü shilem ka agitsü aser District Icon, Kohima, Thejakhrieno Nakhro-i “Role of youth in clean election” onük nung ajemdaker o tatsüka jembitsü.
CEO, Nagaland, Abhijit Sinha, IAS-i, voter tasentem nem EPICS & NVD Badge tem agütsütsü. Chief Election Commissioner o, Dy. CEO, Ruokuovituo Khezhie-i jembitsü. Iba sentong ya Deputy Commissioner & District Election Officer, Kohima, Thejawelie Gregory lenisüba kübok akatsü, ta sorkar sangdong ka ajanga metetdaktsü.