Delhi nung mezüng ‘Car-Free’ anogo mongogo

Delhi nung October 22, 2015 nü mezüngbuba ‘Car-Free’ anogo mungogo. Iba ya nüburtem dang pei gari amshitsü melena “public transport” amshitsü ajungshiba anogomong ka liasü. Anepdang 7 ako nungi anüngdang 12 ako tashi Red Fort nungi India Gate tashi Delhi Gate aser ITO ajanga Delhi Chief Minister Arvind Kejriwal aser Deputy Chief Minister Manish Sisodia nunger anir amerlongtsü nung yimdong süa jaja liasü.
Delhi sorkar-i ita shia 22 anogo ya ‘Car-Free Day’ ta sür gari lenmang balala nung amungtsü ta metetdaktsüogo. Mopung tamajung nungi kümzüka alitsü, gari tali nungtepba nungi ajema akümtsü aser nüburtem dang pei gari masü ‘public transport’ amshitsü ajungshitsü mechi iba asalendong ita shia amungtsü ta Delhi sorkar-i metetdaktsüogo.