Mokokchung nung ‘Global Iodine Deficiency Disorder Prevention Day’ amung

Dimapur, October 23 (TYO) : October 21, 2015 nü CMO office Mokokchung nung Global Iodine Deficiency Disorder Prevention Day sentong agi.

Iba sentong nung mendenji Dr. Kibangkumba Dy CMO & District Nodal Officer NIDDCP Mokokchung liasü aser Miss Watisenla Jamir DCM,CMO Office Mkg-i temoatsü meshia sarasadem.

Dr. Kibangkumba-i tesentepertem dang iodise metsü achiba indang osang meteta alitsü ashi aser metsü tendangba inyakyim sayu.

Paisa ASHA’s nungeri dokan aser ki semdanga iodine tendangtsüla, ta ayongzük.

Dr. S S Akaba Longchar CMO, Mkg-i anogomung indang onük jembidang, “iodine deficiency madokdaktsütsü atema iodine metsü nung iodine compound tera enoksema yanglur” ta ashi.

Anogoshia nisung tain kati iodine metsü 150 micro grams shi achitsüla aser ibaji anogoshia achitsüla. Iba osang ya yimdak-yimtsüng nung alirtem dang kanga junga metetdaktsütsü tim, ta paisa ashi.

Sentong nung CMO,Dy. CMO,Medical officers, CMO Staffs aser DPMU Staff nungertem aden.