Nov 6 nungi India nunga Apple Watch angutsü

New Delhi, October 23 (Agencies) : Ita trok tejaklen Apple Watch sayaba sülen kobi melii India nunga iba smartwatch ayoktsü.
Iba dak sensakba nung company-i osang balaka mesangdong lir saka Apple India website nung smartwatch ji November 6 nungi angutsü ta shia lir.
Ajisüaka, iba nung Apple Watch indang jenjang indangbo shia mali. Iba watch ya India nung Rs 30,000 shi kati ayoktsü ama imlar.
Smartwatch ji size ana nung angutsü aser itemji Apple Watch, Apple Watch Edition aser Apple Watch Sport tapu asem nung ayoktsü.
Tanga smartwatch tem dang nungi Apple Watch nung balala keta alibaji Force Touch aser digital crown lir. Digital crown ajanga scroll mesüra zoom süteter aser Force Touch ya 3D Touch feature lir.
Apple Watch nungsa mic aser speaker enoka lir aser stainless steel link bracelet, Milanese loop, black & white Sport Band nunger strap nung angutsü.