V K Singh Cabinet menden nungi agientsüla: CPI(M)

New Delhi, October 24 (Agencies): Honibar nü CPI(M)-i Ato kilonser Narendra Modi dang, Union minister, V K Singh-i mapang shia tashishitsü o jembir, aser ibaji ajanga pa Cabinet nung alitsü metemsü ta sayur, anungji pa minister menden nungi aludaktsütsüla, ta takhangba agütsüogo.
“Tanurtem mi agi rongseta asüba Singh-i azü den medemdanga jembibaji Politburo-i sashia aitsür. Taoba mapangtem nunga pai item ama o jembiogo, koba ajanga India Temzüng nung tenangzükba agiba kübok pa maneni minister inyaktsü metemsü. Ato kilonseri tangsa pa Cabinet nungi agientsüla,” ta CPI(M)-i sangdong ka ajanga ashi.
Communist party-isa Scheduled Castes & Scheduled Tribes (Prevention of Atrocities) Act kübok tangsa Singh anema ken o benoktsüla, ta khangogo.
Tawa Sunped nung Dalit tanur ana rongseta südaktsüba tatalokba dak sentakba nung Centre sorkar medenja jembidang Singh-i, “Nisung kari azü dak lung onloktsüba ajak atema sorkar nem tai metongloktsütsüla,” ta jembia liasü.