Palestine nunger kati sepai ka tsüngsettsü merangba atema kahset

Jerusalem, Israel, October 24 (Agencies) : Palestine nunger kati West Bank nung aliba Israeli checkpoint nung sepai ka tsüngsettsü merangba agi pa kahset ta police-i tanü metetdaktsü.
“Kiralongrar kati kotari bener aru aser security guard ka tsüngsettsü merang. Iba mapang sepai kati kiralongrarji kahset” ta police sangdong nung ashi.
West Bank aser Israel tsüngda Palestine tsütsü Jalama checkpoint len nungi kiralongrarji aru.
Iba tatalokba nung tasür densema tan ita Palestine nungeri Israel anema inyakdang parnok 51 tashi tepsetogo.
Item tatalokba balala nung Israel nunger ti asü aser Israeli Jew aser Eritrean ka aibelena tepset.
Muslim aser Jew atema temeshi tesem Jerusalem Al-Aqsa mosque compound atema ashishitep ken o adokba sülen October 1 nungi Palestine nungertemi Israel sepai, police mesüra civilian dak kotari agi atsüngba, prangpong agi akahba aser gari agi atsükba lendongtem kanga bulua ataloka arur.