Nigeria nung tetsür kati bomb bener arua pokdaktsü; 3 asü

Maiduguri, October 24 (Agencies) : Honibarnü Nigeria kübok Maiduguri nung tetsür kati temang nung bomb alenoker aru pokdaktsüdang nisung asem pokset aser aika yirutsü.
Hokolbarnü Nigeria anüdoklentip tsütsü nisung 55 tepsetba sülen tanü iba lendong atalok. Yashi lendong atalokba nunga Maiduguri yimti nung nisung 28 asü.
Maiduguri kübok Dala Yazaram tesem nung alir kati tetsür ana temang nung bomb bener aruba angu. Iba mapangji nisung kari tetsür kabo apu saka ka jagi bomb ji pokdaktsü.
“Iba lendong nung nisung asem pokset aser aika yiru” ta lendong atalokba anasa aliba NNPC petrol station nung security guard Shuaibu Umara-i osangbener dang ashi.