Hurricane Patricia-i Mexico tzükümlem kongshi

Puerto Vallarta, Mexico, October 24 (Agencies) : Alima nung hurricane tesashitiba rongnung ka Patricia-i Mexico anüolen tsütsü aontsü tenzükogo aser iba ya ajanga tzükümlen aliba tesemtem nung teraksa bener arutsüogo.
Hokolbar nikongtsütsü nungi Hurricane Patricia-i Mexico nung aon tenzük saka tenemlen adena süidang mopung tashi ajema kümer Honibar anepdang tashi nungbo yipru tila ka ama dang liasü.
Tia kaa iba yipru ajanga nisung aika aliba tesemtem nung monshiba ajanga nisung taküm melalu.
Mexico leni mopung aon tenzükba agi Puerto Vallarta beach resort nungi tourist 15,000 shi kanga aritepa anien.