Tanü asenok sarudoker dang kümogo: S.I.Jamir

Dimapur, Oct.24 (TYO): Akhi Aor memesük, tanü asenok Aortem rongnung aikati yimten aser lokti khuret mebenner, iba jagi tanü Nagaland nung Aortem lenir masü saka sarudoker dang kümogo, ta Urban Development nung advisor & MLA Wb.S. Imtisungit Jamiri metetdaktsü.
Pai iba o ya taoba Brehostibar nü Dimapur Ao Lanur Telongjem lokti senden nung jembidang metetdaktsü. “Asenoki pei atema dang bilemdang yimten aser lokti nung tongti shilem magir, iba jagi tanübo asenok sarudoker dang kümogo,” ta paisa ashi.
Wb.S.I.Jamirisa ashiba agi, Nagaland state ngur sülen Dimapur nung Aor teimba-teimba arua alitsü tenzük aser iba mapang Aor moatsü amongtsü tenzük, iba sülen dang tangar kintema asenok jilu ajizüka pei kin benjongbentsü amongtsü tenzük.
Aor longjema alitsü asoshi tajungshiba o ka ashidang, Akhidangbo Ao lima nung tzükong telemsa mali asü saka British nunger yimsüsüba maparen melatsü atema parnoki tzükong lemsatsü. Anungji, tanü Dimapur nung alirtem rongnunga tzükong telemsa malitsü saka Aor telongjem ya yimtsüng, mepu kiyong telongjemtem agi akümtsüla aser Dimapur nungbo tzükong malitsüla, ta Wb.S.I.Jamirisa ashi.
Ano, paisa Dimapur nung alir Aortem dang Dimapur lima ya pei lima ama küma alitsü asoshi o ka ashidang, Dimapur nung alirtemi pei tsürabur yimtsüng nem dang tongtibang magütsüi pei alidak temulung agüja tangar akoktsüsa alitsüla ta metetdaktsü.
Iba kasa sentong nung tongti o jembir, Dr.Lanunungsangi ” Ochi Tongpang” onük nung jembidang, tanü Nagaland nung loktiliba nung takotsüngsen (social revolution) tulu adoktsü anendaka lir, kechiyong tanü asen nübortem ya tangar kübok tajemrep tia nung lir, anungji iba temelenshi bener aruba nung Ao lanurtemi shilem agitsü renemtsüla ta metetdaktsü.
” Ochi tongpang nung tasümaiter aser timtem maremer nokdaktsü metemsü, kechiyong timtem aika lir. Iba jagi Aor aikati ochi tongpang nungi ajener, yamaji jenshia maotsüla. Ochi tongpang yabo tashiyim agi azütokshia raraba ka masü, anungji iba tongpang nungbo tetsür tebur ajak adentsüla,” ta paisa metetdaktsü.
Iba senden nung tepela tajungshi o Ao Senso Telongjem Dimapur nung tir Wb.Supu Jamir aser Dimapur Watsü Telongjem nung tir Wt. Alila Wai nungertemi jembi. Iba senden nung kija aser telok balalai ken atenba ajanga shilem agia liasü.
Iba lokti senden takok angutsüsa yaritepertem aser shilem agirtem ajak dang kanga pelar ta tanü sangdong ka ajanga DALT-i metetdaktsüogo.

Iba kasa senden nung item ketdangpurtem shimtet :
OFFICE BEARERS.
1. President : Mr. K. Longri lmchen Viola Colony
2. Vice President : Mr. Temsu Sanglir Indisen.
3. General Secretary : Mr. Meyatoba Khermahal
4. Asst.General Secretary : Mr. Mozen Aier Lengrijan
5. Finance Secretary : Mr. Toshi Walling Duncan
6. Asst.Finance secretary : Mr. lmlisunep Signal
7. Information Secretary : Mr. Lanutemsu Nepali Basti
8. Treasurer : Mr. L.Chuba Pongen Fellowship colony

Executives
1. Mr. Aotemsu, Convenor
Nepali Kashiram
2. Mr. Tiatemsu Model Village
3. Mr. Limatangit, Signal Basti
4. Mr. lmtilulen, Nagarjan
5. Mr. Sunep Aier, Diphupahar “B”
6. Mr. Lanusangba,
Lake View Colony
7. Mr. Salang Longchari, Lengrijan
8. Mr. Akum Pongen, Aokong
9. Mr. Sashinungsang, Lengrijan
10. Mr. Chubasanen, lndisen
11. Mr. Medem lmsong, P.W.D
12. Mr Lanuchuba, Burma Camp
13. Mr.Imkongakum, Diphupahar
14. Mr.lmtiwapang. Lengrijan
15. Mr. Tsukjemtuba,
Industrial Estate
16. Mr. Aonuksung Ao, Aoyimti
17. Mr.T.Chitenlemba lmsong, Lengrijan
18. Mr Lipokmongba, Duncan.
19. Mr. Supong, Aoyimkum
20. Mr.Limasanen, Duncan
21. Mr.Limawapang Lkr., Lengrijan
22.Mr.M.Limasunep lmchen,
Diphupahar
23. Mr. Jangilong, Nepali Basti
24. Mr.Merenjung, Diphupahar
25. Mr. Tali Kichu, East Dimapur
26. Mr. Mar, Mon Basti
27. Mr. lmtinungsang, Unity Village
ADVISORS.
1. Mr. K.Temjen Jamir
2. Mr.I. Anungba Sanglir.
3. Mr. Moakaba