‘American Horror Story: Hotel’ nung shilem agirtsü pur metetdaktsüogo

Los Angeles, July 14, 2015: “American Horror Story” indang series tasenba nung Kathy Bates-i Iris ama tanaben shilem agitsü, Angela Bassett-i Ramona ama shilem agitsü aser Evan Peters-i Mr March ama shilem agitsü.

Iba nung Co-creator, Ryan Murphy-i, meteta aliba shilem agirtem tan tasenba otsü nunga shilem agitsü aser iba film dang, “American Horror Story: Hotel” ta ajatsü, ta ashiba Entertainment Weekly ajanga metetdaktsü.

“The Normal Heart” film nung shilem agisang Matt Bomer-a iba otsü tasenba nung Donovan ama shilem agitsü aser Sarah Paulson-i, Hypodermic Sally ama shilem agitsü.

Arishi küm 49 tain, Murphy-i ashiba agi, kentener Lady Gaga-a iba film nung tanela tamajung aketer ka ama shilem agitsü.

“Lai, ni tanela tamajung aketer ka süner,” ta ashidang, ni la dang na tesem shitaki aruogo, ta langzü,” ta pai ashi.

“American Horror Story: Hotel” film ya taküm October ita nung sayatsü tebilemba lir.