‘Swachh Bharat’ agi Sudarsan Pattnaik ajungmeso

Mumbai, July 14 (Agencies): ‘International sand artist’ Sudarsan Pattnaik, Swachh Bharat Abhiyan agi ajungmesoba sülen, lesem agi art tasen ka yangluogo.

Pattnaik-i tan yangluba lesem art yagi merük mejua alitsü tayongzükba agütsür.

Pai yangluba art timba ka meimchir libaliro dak ajemdaker yanglur aser ibaji ajanga nüburtemi kanga sapur.

Pattnaik-i iba amala art aser sculpture yangluba international tetoktepba aika nung denogo aser 2014 küm World Cup tetoktepba nung sempet ka ngua liasü.

Pai ‘Save Tree, Save the Future’ omen nung ajemdaker kija toktepba nung lesem agi yangluba art ka ajanga ‘People`s Choice’ sempet ngua liasü.

Pa ya Puri, Odisha nungi lir aser pai Padma Shri award-a nguogo.