Nüngtugu Hollywood actress Maureen O’Hara alima nungi pilaogo

October 24, 2015 nü Boise yimti US linük nung nüngtugu Irish-American actress aser kentener Maureen O’Hara alima nungi pilaogo. La arishi küm 95 liasü. La ya 1940s aser 1950s mapang kanga dang nüngtugu süa aliba Hollywood actress aser kentener liasü.

O’Hara, August 17, 1920 küm Dublin yimti United Kingdom of Great Britain & Ireland (tang Ireland) nung aso.

Acting career: 1939 küm Hollywood actor Charles Laughton lenisüba kübok tenzük. La mezüng film-ji “The Hunchback of Notre Dame 1939 küm yanglu. Iba sülen lai film 60 dak tali nung shilem agiogo.

1941 küm John Ford-i direct süa yangluba ‘How Green Was My Valley’ nunga shilem agia lir aser iba film  nungji Oscars sempet pungo, Best Picture aser Best Director ngua liasü.

La kou aser tenük temerem asüba ajanga Hollywood industry nung la dang ‘queen of Technicolor’ ta-a ja liasü.

1970s küm lai film industry nungi sodi agir külen tebuba Charles Blair  tenati Airline Business inyak.