Agartala, July 14 (Agencies): Bodhbar nü New Delhi nung Ato kilonser Narendra Modi-i northeast nung aliba state 8 nungi chief minister tem ajurutsü, ta tanü Agartala nung tongti ketdangser kati metetdaktsü.
“Asüng (Bodhbar) aonung 7:00 ako nung Modi-i Sikkim densema northeast nung aliba state 8 nungi chief minister tem ajurua tesem nung terenlok mapatongtem asoshi jembitsü,” ta Tripura nung sorkar tongti ketdangser kati ashi.
NE nem maongka balaka agütsütsü onük densema onük balala longjemer jembitsü asoshi chief minister temi Modi ajurunüa liasü.
June 16 nü New Delhi nung Modi ajuruba sülen osangbenertem den jembidang Tripura Chief Minister Manik Sarkar-i, state asoshi maongka balaka meshiba nung Ato kilonseri ola madok, ta shia liasü.
“NE nungi chief minister ti den senden amentsü asoshi Ato kilonseri kecha mashi. Ajisüaka Delhi nung taruba North Eastern Council nung adentsü asoshibo pai mulungogo,” ta Tripura chief minister-i tamalen shia liasü.
Northeast state ti dak alia Himachal Pradesh, Jammu & Kashmir aser Uttarakhand state tem nema maongka balaka agüja lir.
Tanü Modi-i NE CM tem ajurua terenlok indang jembitsü added by asungba on
View all posts by asungba →
You must be logged in to post a comment Login