Honibar ayaterm nungi Petrol litre nung poisa 50 ajemer

New Delhi, October 31 (Agencies) : Honibarnü totzü comapny temi petrol litre nung poisa 50 ajemogo aser iba jenjang tasenbaji Honibar ayaterm nungi amshitsü metetdaktsü.
“Tang international product jenjang aser rupee-dollar exchange rate ajanga sen ajemtsü telemtetba agir, ajisüaka diesel jenjang nungbo temelenshi kecha mali” ta Indian Oil Corporation-i sangdong ka nung metetdaktsü.
Tan October ita sorkari totzü jenjang anaben tashi reprangshiogo. October 15 nü diesel litre nung poisa 95 ajungket aser iba mapang petrol indang jenjang nung mamshi liasü. Ibaji masüdang October 1 nü petrol aser diesel jenjang nung poisa 50 ajungket.
Sorkar meyong Indian Oil Corp, Bharat Petroleum Corp (BPCL) aser Hindustan Petroleum Corp (HPCL) nungeri hopta ana nung khen totzü jenjang reprangshimer.