Madhya Pradesh Minister kati tanur ka dak metsü

Panna (Madhya Pradesh), November 01 (Agencies): Madhya Pradesh minister, Kusum Mehdele-i arishi küm 14 tebur kati la dang nungi sen meshia meshimetsüba ajanga metsüloktsü, aser iba noksaji camera nung tangoka liasü.
Madhya Pradesh foundation day amungtsü atema Animal husbandry minister, Kusum ji Bhopal nungi kilometer 400 shi pila oor aliba Panna-i oa liasü, aser yangji lai tebur chanu ka dakji metsüloktsüba sülen gari-i ayaketa atu.
Iba anogomung sentong dak sentakba merükmejuba sentong nung minister laji bus stand ka anasa lenmang oka liasü, aser iba mapang nungji tanubosang jagi la dang sen meshimetsü.
Tanep Kusum-i, state Chief Minister, Shivraj Singh Chauhan-i state merükmejutsü atema benokba mapatong indang jembia liasü.
La ya Panna constituency nungi BJP MLA lir aser iba tatalokba nung lai telangzüba kecha agüja mali.