Taochi Mesenmetuba

Rom 6:1 Ajangla asenoki kechi ashitsü? Taochi tali adokdaktsütsü asenok temenen nung maneni alitsü asü? Yamaji kodanga masü! Asenok shir temenen nungi pilaa asü, ano asenok koda idakjisa alitsü?
Rom 6:14 Kechiyong nenok madak temeneni yimsü masütsü, kechiaser nenok ozüng kübok masü, saka taochi kübok lir. Ajangla kechi? Asenok ozüng kübok masü, saka taochi kübok alinung asenoki temenen inyaktsü asü? Yamaji kodanga masü!
Yihuda 1:4 Kechiyong nisung kar shirnoki alemli nungi iba tai angutsü tamasa zülua liasü, aser shirnoki asen Tsüngrem taochi jabujariba kümdakja aser asen chuba aser Kibuba ka dang, oda Yisu Khrista menangzüki memeshiba nisungtem lir, parnok miima aitogo. Galatia 5:4 Nenok ozüng agi metendaktsütsü merangertem Khrista nungi pilaa lir, taochi nungi nenok tsüka lir.
TAOCHI TAJUNGSHIBATEM : Ajak den yimjung aser koba temeshitetba alema shingaia Kibuba mangutsü, iba temeshiba aria oang; ashiko kari Tsüngrem taochi matongtsü, mesüra taku süngra kar adoka nenok timtemdaktsütsü aser aji agi jenti menentsü. Anungji tanokshitettsüba yimli agizük nung, koba taochi ajanga asenoki akhüm tsübu aser tetsübu agi Tsüngrem temulung achitsü tenzükba inyaktsü, iba taochi asenok lidi.
2 Peter 3:10 Saka auer ka ama Kibuba anogo arutsü. Iba anogo nung anüngtemi ola tulu adoka ainshia aotsü aser anüng nung alibatem kanga tatsük agi yimsaa aotsü aser alima aser idakji aliba mapa ajak rongdoktsü.
Kibuba Yisu, tatem anogo anasa arudang alima aser anüngtem nung tesüngmangtsü tatalokbatem atalokdang ni maoksatsü saka teyimla nung pelatsü Tebu temeim taochi nung anogoshia ina alitsü yariang. Amen.