Temulongjang tang shidak lira teperi

Pastor : Ohoi adianu Alok na tawa tanübo sentepi khen danga arua mengudanger, ajiser tershilem aser temoatsü tenla adok nunga ne tenüng mangur ado ya koda asü ?
Alokba : Ayeeeeee…. temulongjang tang shidak lira teperi-a koda kaa… tenla-tenji tapu tapu abenba ya konang-nüngsang agiteperba dang ako…
Pastor : Ena temeim adianu temulongjang shidak lira sentepi-a onütsü aser tershilem aser temoatsü tenla-a abentsü mulongtetsü nung koda… ya Pastorba o arogo tenzükertem nem agütsür masü Tsüngrem nem pa shilem agütsür tang ako…
Alokba : Arrreee… Pastorba… Revival agiba mapang nung Councillor ka ozü kidangi arudang ashiba agi Tsüngremi sentepi aoba aser tenla agütsüba, masü saka temulongjang dang agir-a ta ashi ado…
Pastor : Oh…!!! adianu Alokba aseni kechi aginür’ar ibaji-sa mela-mela angateter ako… Oda arishi tepiyong mashilen-mashilen dang angateta telima noo… Oda asen mulongjang shidak indang indanga alinungbo asen tenüki tangar mapa tajung reprangtettsü, asen narongi o tajung angashitsü aser asen bangi tangar ajungba indang tenüngsang o jembitsü… aser ajak den yimjung nung alitsü ta ako…

– L. Kika Pongener, Aoyimkum, Dimapur.